БИШКЕК, 1-июн. — Sputnik. Кытай Кыргызстанга 450 миллион юань (70 миллиондон ашык доллар) грант бөлө турганын Экономика министрлигинин маалымат кызматы билдирди.
Ага ылайык, Кыргызстан менен Кытайдын ортосунда техникалык-экономикалык кызматташуу боюнча келишимге кол коюлду. Анын алкагында 350 миллион юанга Бишкек шаарындагы жолдор оңдолот.
Мындан сырткары, Кум-Дөбө, Мынакелди жана Бурана шаарчаларындагы археологиялык эстеликтерди изилдөө боюнча да кызматташуу жүрөт. Бул багытка 100 миллион юань бөлүнөт.
Келишимге экономика министри Олег Панкратов менен Кытайдын Кыргызстандагы элчиси Сяо Цинхуа кол койду.
