ОШ, 23-апр. — Sputnik. Ош шаарында унаа коюп кеткен эки жаштагы бала ооруканада каза болду. Бул тууралуу шаардык жол кыймылы коопсуздугун камсыздоо бөлүмүнүн маалымат кызматы билдирди.
Ага ылайык, окуя 22-апрель күнү саат 13:00 чамасында болгон.
"Араван районунун Л.Х. аттуу жашоочусу Mercedes-Benz Sprinter үлгүсүндөгү унааcын Ош шаарында артка айдап жатып, эки жаштагы баланы койдуруп кеткен. Унаа ээси наристени өзү ооруканага жеткирген. Алган жараатынан улам ал ооруканада чарчап калган", — деп айтылат маалыматта.
Учурда бул фактынын негизинде тергөө амалдары жүрүп жатат.
Буга чейин Алайда беш жаштагы наристени унаа коюп, көз жумган. Айдоочунун 15 жаштагы өспүрүм кыз экени айтылууда.
