Тарсылдаган үн, кишини суналта көтөргөн полиция. Армениядан алынган видео

Жазылуу
Арменияда нааразылык акциясы 10 күндөн бери уланууда. Экс-президент Серж Саргсяндын премьер-министр болуп шайланышына каршы митингдер 13-апрелде башталган.

Жекшембидеги митинг оппозиция лидери Николм Пашинян менен Саргсяндын сүйлөшүүсү үч мүнөткө созулуп, ал майнапсыз аяктагандан соң башталган. Бул туурасында Sputnik Армения жазды.

Пашинян жаңы өкмөт башчы менен жолукканда сүйлөшүү жүргүзбөстөн, тескерисинче, аны отставкага кетирүү ниетин айткан. Премьер-министр анын койгон ультиматумуна жооп катары, Пашинян шантаж кылып жатат деп залдан чыгып кеткен.

Мындан кийин полиция Пашинян менен оппозициялык маанайдагы дагы эки депутатты кармап кеткен.

Акция протеста оппозиции в Ереване - Sputnik Кыргызстан
Армения: нааразылыкка чыккан 200дөй киши кармалып, 9 адам жарадар болду
Ал эми чогулган элди кубалоо үчүн бийлик тарсылдатып үн чыгарган гранаталар менен түтүн чыгарган каражаттарды колдонгон. Окуяга күбө болгондор көздөн жаш агызуучу каражаттар пайдаланылбагандыгын айтышкан. Чогулган эл полицияга суу куюлган бөтөлкөлөрдү ыргытып, лидерлер үн күчөткүч менен элди алдыга баштап кыйкырган. Полициянын кызматкерлери соотту колуна кармап, тизилип алып, элди Еревандын борборунан түштүк тарабындагы районго сүрүп салган.

Оппозиция Серж Саргсянды өлкөнү натыйжасыз башкарып, экономикалык абалды начарлатып жиберди деп күнөөлөп келет.

Эске салсак, Серж Саргсяндын премьер-министр болуп шайланышына каршы нааразылык акциялары 13-апрелде башталган. Оппозиция аны өлкөнү натыйжасыз башкарып, экономикалык абалды начарлатып жиберди деп күнөөлөгөн.

Дүйшөмбү күн митингге чыккандар парламенттин имаратына кирүүгө аракет кылганы менен полиция аларды артка сүрүп, мунун кесепетинен ондогон кишилер жаракат алган. Эртеси күнү нааразылыкка чыккандар "баркыт ыңкылабы" башталганын жар салышкан.

Нааразылыктарга карабай, Армениянын парламенти 17-апрелде Саргсянды өкмөт башчылыкка шайлаган. Бул Армения башкаруунун парламенттик түрүнө өтүү боюнча Баш мыйзамга өзгөрүүлөр киргизилгенден кийин болгон. Алардын негизинде премьер-министр бийликтин негизги адамы болуп калат.

Жаңылыктар түрмөгү
0