БИШКЕК, 16-апр. — Sputnik. Кыргызстан социал-демократтар партиясынын катчылыгы экс-президент Алмазбек Атамбаевдин КСДП фракциясынын депутаттары менен болгон жолугушуусунун сүрөттөрүн жарыялады.
Мурунку өлкө башчы менен жолугушууга фракция лидери Иса Өмүркулов, ЖК төрагасынын орун басары Асел Кодуранова, депутаттар Чыныбай Турсунбеков, Айнуру Алтыбаева, Марат Аманкулов, Дастан Бекешев, Рыскелди Момбеков, Анвар Артыков, Мурадыл Мадеминов, Бакытбек Жетигенов, Элвира Сурабалдиева, Евгения Строкова, Альфия Самигулина, Автандил Кулбараков, Сайдолимжон Жураев, Мухтарбек Айнакулов келген.
Мындан тышкары, сүрөттөн УКМК жетекчисинин мурунку орун басары Дамир Мусакеев, Фарид Ниязов жана Алмаз Усеновду көрүүгө болот.
Буга чейин жыйында негизинен партиянын келерки парламенттик шайлоого даярдыгы тууралуу сөз болгонун иш-чарага катышкан Рыскелди Момбеков айтып берген.
