БИШКЕК, 2-апр. — Sputnik. "Түндүкэлектр" ишканасы 3-апрель күнү Бишкектин жарык болбой турган аймактарынын тизмесин жарыялады.
Электр кубаты оңдоо иштеринен улам өчүрүлмөкчү.
Саат 8.00дөн 17.00гө чейин Минск, Багратион жана Малышев көчөлөрүндө жарык болбойт;
Саат 9.00дөн 12.00гө чейин "Ак-Өргө" жаңы конушунун Таттыбүбү, Курманжан датка көчөлөрүндө үзгүлтүккө учурайт.
Саат 9.00дөн 17.00гө чейин Куликовский көчөсүнүн Буденыйдан Курманжан датка көчөсүнө чейинки бөлүгүндө электр энергиясы болбойт. Мындан тышкары, Орозбеков, Элебесов, Жантөшев, Тыныстанов, Можайский, Кызыл-Кыя, Чокморов көчөлөрүнүн тургундары да электр энергиясыз калат.
Саат 9.30дан 18.00гө чейин "Көк-Жар", "Калыс-Ордо" жаңы конуштарындагы Бородин, Фучик, Кронштадт, Профсоюз көчөлөрүндө жарык болбойт.
