БИШКЕК, 29-мар. — Sputnik. Жогорку Кеңеште депутаттарга KG номерди кайтаруу маселеси козголду. Аталган демилгени Тазабек Икрамов көтөрүп чыкты.
Эске сала кетсек, буга чейин депутаттар кызматтык унаадан баш тартышкан.
"Биз аймакка чыкканда эл депутаттын келгенин билип, көбүрөөк чогулушу үчүн жана жолдо бара жатканда депутатка тоскоолдуктар болбошу үчүн мурдагы КG номерлерди кайтаруу керек болуп жатат. Мейли унааны кайтарбай эле коелу. Бирок унаага тага турган КG номерлер керек болууда", — деди Икрамов.
Ал эгер КG номерлер кайтарылбаса өкмөт өкүлдөрү дагы жөнөкөй номер менен жүрүшү керектигин белгиледи.
