БИШКЕК, 27-мар. — Sputnik. Шаршемби күнү түнкүсүн көпчүлүк аймактарда жаан жаап, Чүй менен Таластын тоо этектеринде жаан карга айланышы мүмкүн. Бул тууралуу Кыргызгидромет билдирди.
Ал эми күндүз Чүй, Ысык-Көл, Нарын облустарынын көпчүлүк аймактарында, Талас, Ош, Жалал-Абад, Баткен облустарынын айрым жерлеринде жаан жаап, тоолордо кар жаашы күтүлөт. Тоолуу райондордо жолдор тоңуп, тайгак болот. Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетиши күтүлөт.
Чүй менен Талас облустарында 11…16 градус жылуу болот. Ош, Баткен жана Жалал-Абад дубандарында күндүн табы 14…19 градуска чейин көтөрүлөт. Ал эми Ысык-Көл менен Нарында абанын температурасы 7…12 градуска чамалап барары айтылды.
Бишкекте мезгил-мезгили менен жаан жаайт. Күн 13…15 градус жылуу болот. Ошто түнкүсүн жаан жаап, 15…17 нөлдөн жогору болмокчу.
