БИШКЕК, 15-мар. — Sputnik. Жума күнү өлкө аймагында мезгил-мезгили менен жаан жаап, Чүй, Талас өрөөндөрүндө жана тоо этектеринде жаан карга айланышы күтүлөт. Бул тууралуу Кыргызгидромет билдирди.
Чүй, Талас, Ош, Жалал-Абад, Баткен облустарынын кээ бир райондорунда туман түшөт.
Батыштан соккон шамалдын ылдамдыгы секундасына 2-7 метрден айрым жерлерде 15-20 метрге жетет.
Күн Чүй өрөөнү менен Нарында 2 градус сууктан 3 градуска чейин жылыса, Таласта 3 градус сууктан 2 градуска чейин жылуу болушу күтүлөт. Ал эми Ош, Жалал-Абад жана Баткен облустарында 5…10, Ысык-Көлдө 2…7 градус нөлдөн жогору болору божомолдонууда.
Бишкек шаарында жамгыр жаап, 1 градус сууктан 1 градуска чейин жылуу, Ошто 6…8 градус жылуу болору айтылды.
