БИШКЕК, 15-мар. — Sputnik. Якутияда он тоннадай баалуу металл ташып бараткан Ан-12 учагынан алтын түшкөнүн РИА Новости Россиянын Тергөө комитетине таянуу менен билдирди.
В аэропорту Якутска из взлетающего самолета высыпалось золото: фото https://t.co/eQbovVz4Rw
— НТВ (@ntvru) 15 марта 2018 г.
Учак Якутск аэропортунан учуп чыкканда жүк салынган жагынын алды тешилип калган. Айрым ЖМКлардын жазышынча учакта алтын болгон. Полиция аэропорттун аймагында кишилерди жана айдоочуларды текшерип жатат.
"Аба кемеси аэропорттон учуп чыгып көтөрүлгөндө жүктөр жылып кетип жүк салган жердин алдын тешип кеткен. Салмагы 9,3 тонна болгон куймалар Чукоткадагы тоо-геологиялык компаниясына таандык", — деп айтылат маалыматта.
Эч ким жабыркаган эмес, жүктүн жарымы учуп-конуу тилкесине чачылган. Учурда анын көлөмү такталууда.
Якутск аэропортунан учуп чыккан учак шаардагы "Маган" аэропортуна аман-эсен конду.
Сразу после вылета из Якутска у транспортного самолета Ан-12 с 9 тоннами золота на борту оторвало створку грузового люка. Большая часть слитков вывалилась и разлетелась по взлетной полосе и окрестностям pic.twitter.com/QlRHVjYdf8
— НТВ (@ntvru) 15 марта 2018 г.
Учактын жүк салуучу жеринин темири жергиликтүү автобазарлардын биринин короосуна түшкөн.
Алдын ала маалымат боюнча жүк жакшы таңылбай калгандыктан жерге чачылган. Учак "Нимбус" авиакомпаниясына таандык экени айтылган.
