БИШКЕК, 15-мар. — Sputnik. Мектептеги "Тикенек" дубал гезити, айтылуу "Чалкан" журналы эсиңиздеби? Ушуларга чыгып калбасам экен деп далай киши безилдечү эле го.
Эми биз жол эрежелерин бузган айдоочуларды "Чалкан" рубрикасына чыгарып турабыз. Ага Sputnik Кыргызстан агенттигинин Telegram мессенджериндеги "Бишкек сегодня" каналына келген жана социадык тармактардагы жол эрежелерин бузган унаалардын сүрөттөрүн, видеолорун жарыялайбыз.
Бул жолу туура эмес жерге токтотулган унаалар көбүрөөк кезикти.
Киев жана Исанов көчөлөрүнүн кесилишинде жол эрежесин одоно бузуп токтоп алган BMW унаасы.
Киев көчөсү менен Эркиндик проспектисинин кесилишиндеги Mercedes-Benz W221.
Токтогонго башка жерлер жетиштүүдөй эле көрүнөт. Кичирайондордогу короолордун бирине токтогон Toyota Ist.
Чүй жана Эркиндик проспектилеринин кесилиши. Mitsubishi Pajero унаасы.
Шопоков көчөсүнүн Чүй проспектиси менен кесилишкен жерине эки катар токтоп алган унаалардан баш адашат.
Токтогул көчөсү менен Жаш Гвардия бульварынын кесилишинде унаалар өтчү жолго токтоп алган Lexus.
Ошол эле жерде дагы бир Lexus турду.
Абдрахманов жана Жумабек көчөлөрүнүн кесилишиндеги үйдүн алдына туура эмес токтогон жолтандабас.
Элдин жолун торогон унаалар.
Таштандылар көрүнгөн жерде чачылып жатса, бул эмне кылганы?
Башка айдоочулардын ыңгайын уруп ойнобогон жарандар. Скрябин көчөсүнүн бою.
Припарковался, товарищ. Ул. Скрябина pic.twitter.com/QXMVJ3UQLD
— Geniusbaby (@bishkekchanka65) March 15, 2018
Ауэзов көчөсүндөгү "Чынар" базарынын жанында башка айдоочуларга тоскоол болгон таксисттер.
Очередные нарушители. Аламедин-1 pic.twitter.com/Vv15CJx2Ej
— Geniusbaby (@bishkekchanka65) March 15, 2018
Кийинки топко жөө адамдар басуучу жол чийинди тоскондор кирди. Бул BMW үлгүсүндөгү унаа Ибраимов жана Киев көчөлөрүнүн кесилишинде турат.
Киев жана Ибраимов көчөлөрүнүн кесилишиндеги жол чийинге токтогон унаа.
Шаардын чок ортосунда жол эрежесин бузган айдоочунун "ак боз аты".
Жол чийинге токтоп койгон дагы бир Mercedes-Benz.
Эми эмне дейбиз? Сөз жок.
Абдумомунов жана Тыныстанов көчөлөрүнүн келишилинде жөө адамдарга тоскоолдук жараткан Toyota унаасы.
Бишкекте жол чырактын жарыгын "айырмалабаган" айдоочулар аз эмес.
Бул унаанын айдоочусу Чыңгыз Айтматов проспектиси менен Горький көчөсүнүн кесилишинде авариялык кырдаал жаратты.
Жукеев-Пудовкин жана Ахунбаев көчөлөрүнүн кесилишинде жол чырактын кызыл өңүн тоготпогон айдоочулар.
Лев Толстой көчөсүндөгү (Жаш Гвардия бульвары менен кесилишет) "Геркулес" унаа оңдоо жайынын жаны. Айнектерин толугу менен караңгылаткан BMW.
Ошол эле жерден жүзүн "жашырган" дагы бир айдоочу байкалды.
Туура эмес жерге токтогонду оштук айдоочулар дагы жакшы көрөт. Ош шаарынын Гапар Айтиев көчөсүндөгү Кыргыз-өзбек университетинин жаны.
Москва жана Абдрахманов көчөсүнүн кесилишинде жолдун ортосунан жүргүнчү салып алган айдоочу.
