БИШКЕК, 13-мар. — Sputnik. Жалал-Абад облусунун Ала-Бука районундагы №2030 аскердик бөлүктө келишимдик негизде кызмат кылган чек арачы жоокер бүгүн ок жаңылып каза тапты. Бул туурасында Чек ара кызматынын басма сөз бөлүмүнөн кабаралашты.
"Чек ара кызматынын катардагы жоокери кызматта турган учурунда келишимдик негизде кызмат өтөп жаткан экинчи жоокерди абайсыздан атып алган. Ефрейтор ооруканага алып бараткан жолдо каза тапкан", — деп жазылган маалыматта.
Чек ара кызматынан бул кырсык боюнча тергөө иштери башталып, аскер прокуратурасынын кызматкерлери жеринде иштеп жаткандыгын кабарлашты.
№ 2030 аскердик бөлүгү Жалал-Абад облусунун Ала-Бука районундагы кыргыз-өзбек чек арасында жайгашкан.
Буга чейин кыргыз-өзбек чек арасындагы "Достук" көзөмөл пунктунан өтүү тууралуу коомчулукта сөз болуп, өкмөт өкүлдөрү ал жерге барып, элдин ары-бери өтүү мүмкүнчүлүгү жакшырарын айткан.
