Бишкекте 26-январдан тарта аба ырайы кескин сууктап, дүйшөмбү күнү күндүз 18 градус суук болду. ТЭЦтеги кырсык азыркыга чейин жөнгө салына элек. Ал эми шаардыктардын үйү эптеп эле жылуу экенин тургундар байма-бай билдирүүдө.
Терезенин айнек менен ашташкан жерине жел өткөрбөй турчу каражаттарды сүйкөп коюу жылуулукту кармайт. Ал эми терезенин ашык менен туура келген жерин кебез же поролон менен жылуулап, анын үстүнө жука кездемени же кагаз скотчту чаптоо керек.
Ал эми адистер үйдүн сырткы эшигин тиричилик дүкөндөрүндө сатылган атайын каражаттар менен каптоону сунуштайт. Ошондой эле эшиктин тешиктерин да жылуулоону унутпоо кажет.
Үйдү газ плита менен жылытууга болбойт, бул өрттүн чыгышына себеп болушу мүмкүн. Ошол эле учурда турак жайга ис толот.
Үйдүн жылчык-тешигин бүтөп, жылуу кийиниңиз.
