БИШКЕК, 22-дек. — Sputnik. ЕАЭБге мүчөлүк кылган өлкөлөрдүн арасынан Кыргызстан өндүрүш тармагындагы өсүш боюнча алдыга чыкканын аталган иш-чарада мурдагы вице-премьер-министр Олег Панкратов билдирди.
"ЕАЭБдин Евразия вектору — 2017-жылдын жыйынтыгы" деген аталыштагы видеокөпүрө Sputnik Кыргызстан агенттигинин мультимедиялык маалымат борборунда болуп өттү.
"Кыргызстандын ИДПсы жыл башынан бери жети пайызга өстү. Ал эми өндүрүштүн өсүшү 12 пайызга түзүүдө. Бул ЕАЭБ өлкөлөрүнүн арасынан эң жогорку көрсөткүч. Мурда эл Россияга товарларды реэкспорт кылуу менен жакшы киреше көрчү. Эми жалпы рынокко чыгып, жаңы сатып алуучу издей баштадык", — деди Панкратов.
Видео көпүрө Москва, Саратов, Ереван жана Бишкек шаарларынын башын бириктирди.
