БИШКЕК, 19-дек. — Sputnik. Кыргызстандын жараны, кулинария боюнча блоггер Абдулазиз Салават YouTube видеосервисинин күмүш баскычына ээ болду. Бул тууралуу ал өзүнүн социалдык баракчасына жазып чыкты.
Ал ар кандай тамактарды даярдоо ыкмаларын 2013-жылдан бери YouTube-каналы аркылуу жайылтып келет. Бүгүнкү күндө анын баракчасына жазылгандардын саны 133 миңден ашты.
Абдулазиз Салават Сочидеги кафелердин биринде башкы ашпозчу болуп эмгектенет. Ал Россияга кеткичекти Бишкектеги кафелердин биринин ашканасын тейлеген.
Күмүш баскыч YouTube каналында жазылгандардын саны 100 миңден ашканда берилет.
Буга чейин ушундай эле сыйлыкка мурдагы муфтий Чубак ажы Жалилов менен вайнерлердин эмгегин жарыялаган Нурбол Эрланов татыган.
