Бокоев: кошуна мамлекеттерге сууну сатышыбыз керек
Кошуна мамлекеттерге сууну сатышыбыз керек. Бул тууралуу бүгүн Жогорку Кеңештин жыйынында депутат Кенжебек Бокоев билдирди.
Анын айтымында, кыргызстандык фермерлерге сууну канчадан сатылса, кошуналарга дагы ошондой баада сатуу зарыл.
"Айыл чарба министри сууну товар катары сатканга толук негиз бар деди. Мына ушуну көзөмөлгө алып, суу кодексине өзгөртүүлөрдү киргизиш керек. Киров суу сактагычындагы суунун 90 пайызы Казакстанга, Орто-Токой суу сактагычындагы суунун 92 пайызы Өзбекстанга кетип жатат. Сууну биздин фермерлерге канча тыйын менен сатып аткан болсок, болбой калды дегенде ошол баа менен кошуналарга сатышыбыз керек", — деди Бокоев.
Ал ошондой эле өкмөт бул маселени тез арада карап чыгуусу керектигин кошумчалады.
