Жигит мээ сөөгүнөн ачык жараат алып, мээсине операция жасалган. Атасы Равшанбек Ахмедовдун айтымында, доктурлардын аны сактап калышы бир керемет болду. Узак убакыт бою комада жатып, эсине келгенинде кыймылдабай, сүйлөбөй да калган. Санкт-Петербургда жарым жыл калыбына келтирүү чарасы көрүлүп, кийин үйүнө кайтты.
"Үйдө тез чыйралат, бат сакаят деп ойлодук эле, бирок… Баары жаман дебейм, бир аз жылыш бар, бирок дагы калыбына келтирүү курсунан өтүү зарыл. Дарыгерлер канчалык эрте болсо ошончо жакшы, антпесе, убакыт өткөн сайын калыбына келүүсү жайлап же таптакыр токтоп калышы ыктымал экендигин айтышкан", — деди Ахмедов.
"Булчуңдардын тартылышына (кысылышына) жол бербөө керек, басып кетишине атайын калыбына келтирүүчү машыктыруучу жабдыктар: роботтор, экзоскелет, локоматтар зарыл. Тилекке каршы, республикабызда мындай бейтаптарга көмөктөшүү боюнча калыпка салуучу борборлор жок. Досторубуз аркылуу Израилде бизге зарыл процедура бар экенин сурап билдик. Жол кире, жашаганы жана коштоп жүрүү үчүн жалпы 90 миң доллардын тегерегинде каражат талап кылынат, а биздин андай акчабыз жок", — деп үшкүрүнөт Азаттын атасы.
Ахмедов уулу бутуна туруп, мурдагыдай күчтүү жана куландан соо кайтарынан үмүттөнөт. Үй-бүлөсү Азатка чоң ишенич артарын кошумчалайт, анткени, ал аскердик институтту аяктаган, атайын күчтөр катарында кызмат өтөгөн, юриспруденцияда мыкты, үч чет тил билет. Азаттын төрт жашар уулу да бар.
