БИШКЕК, 2-дек. — Sputnik. Москвадан келчү төрт учак Бишкекке кечигип конгонун Sputnik Кыргызстан агенттигине "Манас" эл аралык аэропортунун диспетчер бөлүмүнөн билдиришти.
"Аэрофлот" авикомпаниясынын сайтында аба ырайынын бузулушунан улам 20 каттамды токтоткону жазылган. Учактар 2-декабрь күнү "Шереметьево" аэропортунан учуп конмок. Дагы 58 каттам кармалып турат.
"Манас" аба майданынан төрт учак бир саатка чукул кечигип келгенин айтышты. Анын экөө "Шереметьево", экөө "Домодедово" аэропортторунан учкан.
