Эки аял алуу боюнча муфтият расмий билдирүү жасашы керек. Мындай пикирин Жогорку Кеңештин депутаты Аида Касымалиева Sputnik Кыргызстан агенттигинде өткөн тегерек столдо билдирди.
Белгилей кетсек, дин аалымы Чубак ажы экинчи аял алганын билдирип, бул кадамы менен башкаларга үлгү болууну максат кылганын айткан болчу. Аалымдын бул кадамы социалдык тармакта кызуу талаш-тартышка жем таштаган эле.
"Баары экинчи аялдыкка жаштарды алат. Улуу аялдарды алганын көргөн эмесмин. Чубак ажы деле анда 50 жаштагы аялды албайт беле. Экинчи аялдыкка алууга уруксат берүү менен сойкулукка каршы турабыз деп жатышат. Бирок ажырашканда ал аялдар көчөдө калып жатпайбы?" — деп эл өкүлү суроо салды.
Касымалиева бул окуя боюнча муфтият дагы расмий билдирүү жибериши керектигин кошумчалады.
