БИШКЕК, 29-ноя. — Бишкек. Түштүк Кореянын Биригүү иштери боюнча министри Чо Мён Гён Түндүк Корея өзөктүк куралды жасоо иштери бүткөнүн жарыя кылышы мүмкүндүгүн айтты. Бул туурасында РИА Новости Ренхап агенттигине таянып жазды.
"Түндүк Корея өзөктүк куралдарды тездик менен иштеп чыгып жатат. Мындан улам аталган өлкө өзөктүк куралдарды бир жылдан кийин иштеп чыгып, бүтүп калышы мүмкүн", — деп айткан министр.
Чо Мён Гён 2018-жылы Түндүк Корея мамлекет катары түптөлгөндүгүнүн 70 жылдыгын белгилерин айтты.
3-сентябрда Пхеньян континенттердин аралыгында атылган баллистикалык ракетаны жабдый турган суутек дүрмөтүн ийгиликтүү сынагандыгын жар салган. Япония менен Түштүк Кореянын аскердик күчтөрү сыналган куралдын 1945-жылы Хиросимага ташталган бомбадан он эсе кубаттуу экендигин белгилешкен. Анын дүрмөтү 160 тоннага барабар болгон. Түндүк Корея андан эки апта мурда учурган баллистикалык ракета Япониянын үстүнөн учуп өткөнү айтылып, коомчулук ызы-чууга түшкөн.
