БИШКЕК, 28-ноя. — Sputnik. Кыргызстандык Самат Эмилбеков Megdan Fight спорттук уюмунун версиясы боюнча дүйнө чемпиону наамын 2018-жылы жазында коргойт. Бул тууралуу маалыматты спортчунун машыктыруучусу, WEF (Бүткүл дүйнөлүк кулатуу эр таймаш федерациясы — ред.) уюмунун вице-президенти Эмил Токтогонов билдирди.
"Биз Megdan Fight уюму менен алдыда боло турчу беттешке келишим түздүк. Анда Эмилбеков чемпиондук курун коргойт", — деди Токтогонов.
6 Баш оона 2017, 18:11
Эске сала кетсек, 25-ноябрда Сербиянын Новисад шаарында ММА жана кикбокс боюнча "Megdan Fight" эл аралык турнири өткөн. Анда кыргызстандык Самат Эмилбеков кеченин башкы беттешинде эрежесиз уруштун ыкмасы менен өзбекстандык Султан Калахуновду жеңип, дүйнө чемпиону аталган.
Эмилбеков ММА боюнча Кыргызстандын эки жолку чемпиону. Кулатуу эр таймаш (WEF) боюнча дүйнө чемпиону, эл аралык класстагы спорт чебери.
Спортчулардын рейтингин аныктаган Sherdog порталындагы көрсөткүчү боюнча 10 жолу профессионалдуу беттеште утуп, 3 жолу жеңилүү ызасын тарткан.
