Эмилбеков атаандашын биринчи раунддун 35-секундасында техникалык нокаут менен жеңип алды
БИШКЕК, 26-ноя. — Sputnik. Кыргызстандык мушкер Самат Эмилбеков Megdan Fight спорттук уюмунун версиясы боюнча дүйнө чемпиону аталды. Бул тууралуу спортчунун машыктыруучусу Эмил Токтогонов Sputnik Кыргызстан агенттигине билдирди.
ММА жана кикбокс боюнча эл аралык турнир 25-ноябрда Сербиянын Новисад шаарында өткөн.
"Кыргызстандык мушкер мелдештин башкы беттешинде өзбекстандык спортчу Султан Калахунов менен ат салышты. Беттеш ММАнын ыкмасы менен өттү", — деп айтылат билдирүүдө.
Эмилбеков атаандашын биринчи раунддун 35-секундасында техникалык нокаут менен жеңип, аталган уюмдун версиясы боюнча дүйнө чемпиону аталды.
