Суранчиев: биогаздын жардамы менен үйдү жылытып, тамак жасап жатабыз
Биогаздын жардамы менен үйдү жылытса болорун Чынар Суранчиев Sputnik Кыргызстан радиосуна маек куруп жатып билдирди.
Фермер биогазды азырынча сатыкка чыгара элек. Бирок аракеттер көрүлүүдө.
"Биогаз жабдууларын колдонгонду үйрөнүп алдык. Анын жардамы менен малдын кыгынан газ чыгарабыз. Ал эми калганы болсо жер семирткич болот. Алгач газды колдонгонду билчү эмес элек. Бүгүнкү күндө анын жардамы менен үйлөрдү жылытып, тамак жасап жатабыз", — деди Суранчиев.
Ал биогазды колдонуу менен отун, көмүргө кеткен акча үнөмдөлөрүн кошумчалады.
