БИШКЕК, 21-ноя. — Sputnik. Жаңы шайланган президент Сооронбай Жээнбековдун кызматка расмий киришүү аземи "Ала-Арча" мамлекеттик резиденциясындагы "Энесай" үйүндө өткөрүлөт. Бул тууралуу өлкө башчынын расмий сайтына жарыяланды.
Бүгүн президенттин аппарат жетекчиси Алмазбек Усеновдун төрагалыгы алдында өткөрүлгөн жыйында иш-чаранын ырааты макулдашылды.
"Салтанаттуу аземге 450 адам, анын ичинде КР Баатырлары, өкмөт мүчөлөрү, дипломатиялык корпус, эл аралык уюмдардын өкүлдөрү чакырылган", — деп айтылат маалыматта.
— Салтанаттуу иш чара саат 10.00дө башталат. Инаугурация аземи Сооронбай Жээнбековдун Кыргызстан элине ант берүүсүн, ага мамлекет башчысынын күбөлүгүн, төш белгисин жана штандартын тапшырууну камтыйт.
— Президенттик кызматка киришүү аземи аяктагандан кийин үч ирет артиллериялык залп атылат;
— Андан кийин алар мамлекет башчысынын жумушчу кабинетине барышат;
Инаугурация аземи телеканалдарда жана интернет басылмаларда түз көрсөтүлөт.
Бул күнү борбордун бир катар көчөлөрүндө транспорт кыймылына чектөөлөр киргизилет.
Инаугурацияга кетчү чыгымдын сметасы 8 миллион 404 миң сомго бааланды.
