БИШКЕК, 15-ноя. — Sputnik. Бейшемби күнү кыргыз элинин туңгуч жазма акыны Молдо Кылыч Шамыкан уулунун 150 жылдыгына карата жарык көргөн "Молдо Кылыч" китебинин бет ачары болот. Бул тууралуу Мамлекеттик тил комиссиясынан билдиришти.
"Китеп президенттик аппараттын тапшырмасы менен жарык көрдү. Анда казалдар, изилдөөлөр жана макалалар камтылып, миң нуска менен чыкты", — деп айтылат билдирүүдө.
Жаңы китеп коомчулукка Жусуп Баласагын атындагы КУУда уюштурулган "Молдо Кылыч — улуу акын, даанышман ойчул" аталышындагы илимий конференцияда тартууланат.
