Анын айтымында, мажбурлоонун аркасында убактылуу ийгилик болот, бирок келечекке балта чабылат.
"Баланы кичинекей кезинен спортко мажбурлап, аны кыйнап койсо көңүлү калып калат. Бардыгы оюн түрүндө болуп, аны кызыктыруу керек. Мисалы, беш жарым жаштагы кызым Айжан шахмат боюнча Азия чемпионатында күмүш медаль уткан. Биз аны күнүнө эки саат шахмат ойнотуп шыктандырып жетишкенбиз. Анда кызыбызга белгилүү бир көнүгүүнү берчүбүз, соңунда түрдүү белек тартуулап колдочубуз. Мажбурлоонун аркасында убактылуу ийгилик болушу мүмкүн, бирок келекчегин балта чабылат", — деди Таштакеев.
Ошондой эле ал ата-энелер балдар менен чогуу ойношу керек экендигин кошумчалайт.
Учурда Съездбек Таштакеев жубайы Гүлбарчын Калдыбаева менен төрт эркек жана төрт кызды тарбиялоодо. Көп балалуу үй-бүлөдөгүлөрдүн көпчүлүгү шахмат боюнча Азия менен Кыргызстандын көп жолку чемпиондору.
