БИШКЕК, 12-ноя. — Sputnik. "Республика — Ата Журт" фракциясынан Жогорку Кеңештин депутаты Улан Чолпонбаев көз жумду. Аталган билдирүүнү фракциянын маалымат кызматы тастыктады.
Алдын ала маалыматтар боюнча эл өкүлү 11-ноябрь күнү узакка созулган оорудан улам каза болгон.
Улан Чолпонбаев 1977-жылы Фрунзеде дарыгердин үйүндө туулган. 1997-жылы Кыргызстан эл аралык университетинин эл аралык укук адистигин аяктаган. Жогорку Кеңештин V жана VI чакырылышынын депутаты болуп иштеп келген.
