Эргешов: ЕАЭБди карап отура бербей, Кытай, Индия менен кызматташалы
Эргешов: ЕАЭБди карап отура бербей, Кытай, Индия менен кызматташалы
ЕАЭБди карап отура бербей, Кытай, Индия менен кызматташуу керек экендигин эл өкүлү Алмаз Эргешов парламентте ар кандай маселелер каралып жатканда билдирди.
Эске сала кетсек, 10-октябрдан тарта кыргыз-казак чек арасында абал курчуган.
"Чек ара маселеси чечилди деп сүйүнгөн менен көп чыгашага учурадык. Биз ЕАЭБди карап отура бербей, Кытай, Индия, Пакистан өлкөлөрү менен кызматташалы. Экономика, айыл чарба министрлери ушул мамлекеттер менен келишим түзүшү керек. Министрдин кыргызча сүйлөгөнүнө эмес, иштегенине сүйүнөлү", — деди Эргешов.
Эл өкүлү насыя алган дыйкандарга мамлекет жардам бериши керек экендигин кошумчалады.
