БИШКЕК, 31-окт. — Sputnik. Кытайлык медиктер эркек кишинин кызыл өңгөчүнөн алтын медаль алып чыгышканын Shanghaiist порталы жазды.
Маалыматка караганда, каратэ боюнча чемпион дарыгерлерге ичи ооруп жатканын айтып кайрылган.
Аны текшерген доктурлар кызыл өңгөчүнөн алтын медаль алып чыгышты.
Дарыгерге кайрылган спортчунун аялы таэквондо боюнча чемпион экени белгилүү болду. Жубайлар уруша кетип, аялы күйөөсүнүн алтын медалын сындырып салганда, ал келинчегинин байгесин жутуп алыптыр.
Окуя Кытайдын Сиань шаарында болгон.
Көргөн көзүнө ишенбеген дарыгерлердин "медаль жутпай эле согушпайт белеңер?" деген суроосуна каратэчи жубайлар үйдүн талкаланышынын алдын алып, мушташпаганга аракет кылышарын айткан.
