Сагынов: Кыргызстанда өндүрүлгөн алтындар эталондук талапка жооп берет

Кыргызстанда өндүрүлгөн алтындар эталондук талапка жооп берет. Бул тууралуу "Кыргызалтын" ишканасынын жетекчи орун басары Бектур Сагынов Sputnik Кыргызстан радиосуна маек куруп жатып билдирди.

Анын айтымында, өлкөдө казып алынган алтындын баарын "Кыргызалтын" ишканасы гана кайра иштеп чыгат.

"Биздин өлкөдө даярдалган алтындар Лондон биржасындагы талаптардын баарына жооп берип, атайын сертификатка ээ. Бул дүйнөдөгү эталондук талап. Ошондуктан биздин алтындар бүткүл дүйнөгө таанылган", — деди Сагынов.

Ал Кыргызстандан чыгарылган алтындар жогорку баада сатыла тургандыгын кошумчалады.