Спикер Чыныбай Турсунбеков кызматын тапшырды

© пресс-служба ЖК КРДепутат Чыныбай Турсунбеков
Депутат Чыныбай Турсунбеков - Sputnik Кыргызстан
Жазылуу
НовостиTelegram
Алдын ала маалыматтар боюнча бош калган орунга Иса Өмүркулов, Аскарбек Шадиев жана Дастанбек Жумабековдун талапкерлиги коюлат

БИШКЕК, 25-окт. — Sputnik. Спикер Чыныбай Турсунбеков өз ыктыяры менен кызматтан кетти. Ал ишин тапшыргандыгы тууралуу бүгүн, 25-октябрда парламенттин жыйынында билдирди.

Буга чейин төраганын кызматтан кетээрин Жогорку Кеңештеги өздүк булактар кабарлаган. Алдын ала маалыматтар боюнча бош калган орунга Иса Өмүркулов, Аскарбек Шадиев жана Дастанбек Жумабековдун талапкерлиги көрсөтүлөт. 

"Ушул жылы саясатка келгениме жети жыл болду. Беш жарым жылда партиянын жетекчиси, фракция лидери катары иштедим. Андан соң позиция, оппозиция дебей төрага болуп иштеп бердим. Идеяларды ишке ашырууга жети жыл аздык кылат экен. Баарыңыздарга ыраазычылык", — деди ал.

Ал ошондой эле төрагалыктан кеткени менен саясаттан четтебей турганын белгиледи. 

Эске сала кетсек, Чыныбай Турсунбеков 2016-жылдын 27-апрелинде төрага болуп шайланган.

Жаңылыктар түрмөгү
0