БИШКЕК, 24-окт. — Sputnik. Италиялык дарыгерлер алаканы менен чекеси тердегенде кан чыккан 21 жаштагы кызды ооруканага жаткырышты. Бул туурасында РИА Новости Canadian Medical Association Journal басылмасына таянып кабарлады.
One-in-ten million condition causes this woman to excrete blood instead of sweat https://t.co/31pGnNWrzU pic.twitter.com/ZUssjPDnh5
— The Independent (@Independent) 23 октября 2017 г.
Кыз мындай илдет менен үч жылдан бери жабыркаганын, денесинен тердин ордуна эмнеге кан чыккандыгын алигүчө билбей келгенин айтып берген.
Ал мындай көрүнүш бир мүнөттөн беш мүнөткө чейин созуларын жана андан улам стресске кабылгандыгын белгилеген. Бул илдеттин айынан кыз элден четтеп, маанайы чөгүп калган.
Медиктер кызга кан тамырларды бекемдеп жана стрессти азайта турган дары жазып берип, бирок илдетти толугу менен айыктыра алышкан эмес. Дарылоодон кийин кыздын колунан чыккан кан кадыресе азайып калган.