БИШКЕК, 17-окт. — Sputnik. Шаршемби күнү көпчүлүк аймактарда жаан жаап, тоо этектеринде жана Чүй, Талас облустарынын дыйканчылык аймактарында жаан карга айланышы күтүлөт. Бул тууралуу Кыргызгидромет билдирди.
17 Тогуздун айы 2017, 14:49
Айрым жерлерде батыштан соккон шамалдын ылдамдыгы секундасына 19-24 метрге жетет.
Ош, Жалал- Абад, Баткен облустарынын өрөөндөрүндө 9…14 градус, Чүй, Таласта 6…11 градус, Ысык-Көл ойдуңунда жана Нарын облусунун дыйканчылык аймактарында 5…10 градус жылуу болот.
Бишкек шаары менен Ошто жамгыр жаап, күн 14-16 градус жылыйт.
Мындай туруксуз аба ырайы айыл чарба иштерин, автоунаа, энергетика жана коммуналдык кызматтардын ишин кыйындатат.
