БИШКЕК, 17-окт. — Sputnik. Коомдук биринчи канал (КТРК) шайлоо учурунда үгүт материалдарды жайгаштыруудан жалпысынан дээрлик 47,5 миллион сом пайда тапкан. Бул тууралуу КТРКнын башкы директору Илим Карыпбеков Facebook баракчасына жазды.
Эске салсак, Кыргызстанда 15-октябрда президенттик шайлоо өттү. Ал эми үгүт иштери 10-сентябрдан тарта расмий түрдө башталган.
Маалыматка ылайык, миллиондогон каражаттарды Бабанов, Жээнбеков, Сариев, Малиев жана Төрөбаев короткон.
КТРКга түшкөн каражат төмөнкүдөй:
1. Өмүрбек Бабанов — 20 781 030
2. Сооронбай Жээнбеков — 14 296 870
3. Темир Сариев — 8 022 718,3
4. Арсланбек Малиев — 2 349 051,4
5. Бакыт Төрөбаев — 1 447 118
6. Улукбек Кочкоров — 246 285,76
7. Азимбек Бекназаров — 139 466,7
8. Төктайым Үмөталиева — 31 555
9. Эрнис Зарлыков — 97 800
Жалпысынан 47 миллион 411 миң 895 сом 16 тыйынды түздү.
