Азия оюндары: кыргыз балбандары дагы 8 медаль алды

© Sputnik / Табылды КадырбековМеждународный турнир по самбо во Дворце спорта имени Каба уулу Кожомкула
Международный турнир по самбо во Дворце спорта имени Каба уулу Кожомкула - Sputnik Кыргызстан
Жазылуу
Учурда Кыргызстандын улуттук командасынын куржунундагы байге эсеби 48ге жетти. Анын жетөө — алтын, 15и — күмүш жана 26сы — коло медаль.

БИШКЕК, 25-сен. — Sputnik. Түркмөнстандын борборунда өтүп жаткан жабык имараттагы V Азия оюндарында жекшембинин жыйынтыгы менен кыргызстандык балбандар самбо боюнча бир алтын, эки күмүш, беш коло медаль алды.

Мында эр азаматтар арасында 74 килограмм салмактагы Бекназар Райымкуловдун жылдызы жанып, Азия оюндарынын чемпиону аталды. Кыргызстандык спортчу финалда казак балбаны Асылбек Смаиловду 13:6 эсебинде утуп алды.

Велосипедчи марафон учурунда. Архив - Sputnik Кыргызстан
Сууга салса чөкпөгөн, отко салса күйбөгөн "темир кишилердин" саны жетиге жетти
Андан тышкары, 48 килограмм салмак категориясында Айткүл Абдылдабек кызы менен 100 килограммдык салмакта Данияр Алимжанов күмүш байгелүү болушту. Ал эми самбочулар Улукбек Мамытов, Тилек Аманкулов жана Салмоорбек Маматемин уулу коло медаль тагынышты.

Эркин күрөш боюнча 69 килогармм салмак категориясында Мээрим Жуманазарова жана кикбоксчу Юлия Борисова үчүнчү орунду ээлешти.

Ошентип учурда Кыргызстандын улуттук командасынын куржунундагы байге эсеби 48ге жетти. Анын жетөө — алтын, 15и — күмүш жана 26сы — коло медаль.

Бүгүн Ашхабад шаарында кыз-келиндер жана жигиттердин эркин күрөшү, боулинг, бильярд, шахмат, футзал, сууда сүзүү, стол тенниси, кикбоксинг жана оор атлетика боюнча таймаш болмокчу. Бул күнү Кыргызстандын намысын Айсулуу Тыныбекова, Айпери Медет кызы, Эламан Догдурбек уулу баштаган балбандар, Акрам Баратов (51 кг), Авазбек Аманбеков (57 кг), Чыңгыз Калбаев (69 кг), Айбек Дүйшөнбиев башында турган кикбоксчулар коргойт.

Жаңылыктар түрмөгү
0
Алгач жаңыларыАлгач эскилери
loader