БИШКЕК, 25-сен. — Sputnik. Кыргызстандын Кулатуу күрөш федерациясынын жетекчиси болуп башкы машыктыруучу Эмил Токтогонов дайындалды. Бул тууралуу федерациянын маалымат катчысы Амантур Өмүров билдирди.
Жаңы президентти шайлоо ишемби күнү өткөн. Талапкер катары Семетей Турусбеков менен Эмил Токтогонов көрсөтүлүп, жыйынтыгында бири жетекчи, экинчиси орун басар болуп дайындалган. Кулатуу күрөш федерациянын президенти беш жылга дайындалат.
Белгилей кетсек, кулатуунун эл аралык деңгээлдеги WEF (World ertaymash Federation) деген да түрү бар. Алар ММА боюнча беделдүү турнирлерди өткөрүп, мушкерлердин рейтингин Sherdog порталына каттап турушат. Ага Руслан Кыдырмышев жетекчилик кылат.
