Абу-Дабиде дүйнөдөгү эң толук аял көз жумду

© AFP 2023 / SAEED BASHARАаламдагы эң толук делген египеттик Эман Ахмед Аб Эль Ати
Ааламдагы эң толук делген египеттик Эман Ахмед Аб Эль Ати - Sputnik Кыргызстан
Жазылуу
Аялдын ириде бөйрөгү жабырланып, ичеги-карыны жакшы иштебей калган

БИШКЕК, 25-сен. — Sputnik. Ааламдагы эң толук делген египеттик Эман Ахмед Аб Эль Ати аттуу аял Бириккен Араб Эмирлигиндеги ооруканада көз жумду. Бул туурасында РИА Новости Khaleej Times басылмасына шилтеме кылып кабарлады. 

Сүт бездеринин жана тери оорусунан азап чеккен аялдын салмагы акыркы учурда жарым тоннага жакындап барган. Бул илдеттерден сырткары инсультка кабылган Эман Ахмед Аб Эль Ати 25 жашында төшөккө жатып калган.

Февраль айынын башында аны атайын учак менен Мумбаидеги Saifee Hospital клиникасына жеткирип, палатага автокран менен көтөрүп киргизишкен. Операция жасалгандан кийин аял 200 килограмм салмак таштаган. Андан соң дарылануусун улантуу үчүн Абу-Дабиге учак менен жеткирилген.

​"Ал дүйшөмбү күнү, 25-сентябрда көз жумду. Бөйрөгү жабыркап, ичеги-карыны да жакшы иштебей калган", — деп айтылат оорукана тараткан маалыматта.

Абу-Дабиде ал Бурджиль деп аталган клиникада дарыланып, бейтап ар кайсы тармак боюнча чогулган 20дан ашык дарыгерлерден турган команда карагандыгы айтылат.

Жаңылыктар түрмөгү
0