Исаков: "Саякбай" тасмасын жан дүйнө менен берилип көрүү керек
"Саякбай" тасмасын жан дүйнө менен берилип көрүү керек. Бул тууралуу манасчы Рысбай Исаков Sputnik Кыргызстан радиосуна маек куруп жатып билдирди.
Анын айтымында, аталган кинодо манасчылык өнөрдүн касиети чагылдырылган.
"Саякбай" тасмасында манасчылык өнөрдүн эмне болуп, кантип келээри айтылат. Жалпы кыргыз касиети тууралуу сөз болот. Саякбай манасчынын батасы менен Чыңгыз Айтматовдун улуу дүйнөгө аттанганы баяндалат. Жан дүйнө менен берилип, түшүнүп көрө турган кино. Андай түшүнүк болбосо анда таарыныч жок", — деди Исаков.
Ал "Саякбай" киносу жалпы республика боюнча көрсөтүлө тургандыгын кошумчалады.
