БИШКЕК, 11-сен. — Sputnik. Apple компаниясынын чыгарган смартфондорунун эң акыркы үлгүсү iPhone X деп аталат. Бул туурасында РИА Новости Bloomberg порталына шилтеме берүү менен жазып чыкты.
Аталган компания мындан сырткары, iPhone 8 жана iPhone 8 Plus деген үлгүдөгү телефондорду чыгарат. Алар дизайны боюнча мурунку версияларынан анча өзгөчөлөнбөйт. Болгону процессорунун кубаттуулугу менен айырмаланат.
Ал эми iPhone X — толук түрдө башкача дизайн менен чыгып, жаңы функциялар киргизилет.
Телефондун аталышы компаниянын 10 жылдыгына байланыштырылып коюлган.
Ошондой эле Apple компаниясы жаңы смартфондорду жана Apple Watch аталышындагы кол сааттарды 12-сентябрда коомчулукка алып чыгат.
Айрым ЖМКлардын билдиришине караганда iPhone X смартфонунун баасы миң доллар болушу мүмкүн.
