Президенттикке талапкерлерден кол тамга кабыл алуу аяктады

© Sputnik / Виктор Толочко / Медиабанкка өтүүВ Белоруссии начался сбор подписей в поддержку кандидатов в президенты на выборах 2015
В Белоруссии начался сбор подписей в поддержку кандидатов в президенты на выборах 2015 - Sputnik Кыргызстан
Жазылуу
Президенттик шайлоо ушул жылдын 15-октябрына белгиленген

БИШКЕК, 26-авг. — Sputnik. Президенттикке ат салышчу талапкерлерден чогулткан кол тамгасын кабыл алуу 25-август күнү саат 23.59да соңуна чыкты. Бул тууралуу Борбордук шайлоо комиссиясы билдирди.

Шарт-талапка ылайык, чогулган кол тамганын 20 пайызы текшерилет. Талапкер кеминде 30 миң кишинин кол тамгасын тапшырышы керек.

Ушу тапта төмөнкү талапкерлер кол тамга тапшырды:

  • Асанбеков Темирбек Ишенбаевич,"Мекен ынтымагы" саясий партиясынын төрагасы – 33 269:
  • Исаев Канатбек Кедейканович, ЖК депутаты, "Кыргызстан" саясий партиясы тарабынан көрсөтүлгөн — 37 633;
  • Карасартова Рита Рахмановна, "Коомдук анализ институту" коомдук бирикмесинин директору — 31 777;
  • Кожогулов Талгатбек Ашыркулович, коомдук ишмер – 32 045;
  • Кочкоров Улукбек Тойчубаевич, убактылуу жумушу жок – 51 391;
  • Малиев Арсланбек Касымакунович — 55 806;
  • Масалиев Исхак Абсаматович, Кыргызстандын коммунисттер партиясы тарабынан көрсөтүлгөн – 36 528;
  • Турсунбек Акун, "Адам укугу" саясий партиясы тарабынан көрсөтүлгөн – 36 163;
  • Үмөталиева Токтайым Жумаковна, бейөкмөт уюмдар ассоциациясынын төрайымы – 48 777;
  • Чороев Кубан Аманбекович — 39 808;
  • Шайымбетов Казыбек Орозакунович, пенсионер – 38 660;
  • Шаршекеева Камила Дүйшөбаевна, Борбор Азии эл аралык университетинин жетекчиси – 39 237.

"Учурда Адахан Мадумаров, Азимбек Бекназаров, Таалатбек Масадыков, Эрнис Зарлыков жана Арстанбек Абдылдаевдин кол тамгалары текшерилип жатат", — деп айтылат маалыматта.

Эскерте кетсек, буга чейин БШК Темир Сариев, Өмүрбек Бабанов, Сооронбай Жээнбеков менен Бакыт Төрөбаевди талапкер катары расмий каттаган. Ал эми дагы бир талапкер Өмүрбек Текебаевдин кол тамгалары шайлоо өнөктүгүн каржылоо мыйзамын бузганы үчүн жараксыз деп табылган.

Жаңылыктар түрмөгү
0