БИШКЕК, 17-авг. — Sputnik. Борбор калаада жарандарды таштанды ыргытпоого чакырган ак илбирстин сүрөттөрү пайда болду.
Бул тууралуу DOXA арт-группасынын жетекчиси Сергей Келлер социалдык тармакка жарыялады.
Ал өз сөзүндө бул эмгеги "Маскировка" аталышындагы сүрөт серияларынын алгачкысы экенин баса белгиледи.
"Биздин планетадагы ар бир жаныбар, өсүмдүк жырткычтардан коргонуу үчүн өзүнүн өңүн колдонот. Ошол эле учурда башкалардын көңүлүн бурдурат", — деп жазды Келлер.
10 Баш оона 2017, 17:49
Таштанды салынчу жайдагы цемент бетондун бетине тартылган ак илбирстин сүрөтүнүн үстүнө "Таштанды таштабагыла. Булгасаңар айып салынат" ("Мусор не бросать. За свалку штраф") деп жазылган.
DOXA арт-группасы төрт жылдан бери иштеп келет. Алар негизинен шаардагы имараттардын дубалына түрлүү сүрөттөрдү тартып келишет. Алардын эң чоң эмгеги катары Боом капчыгайындагы граффитини айтууга болот. Бул сүрөт коом арасында түрдүү пикирлерди жараткан.
