БИШКЕК, 10-авг. — Sputnik. Голливуд актеру жана БУУнун климат боюнча Тынчтык элчиси Леонардо Ди Каприо ак илбирсти коргоо боюнча эл аралык форумга чогула турган 12 мамлекеттин башчыларын Save snow leopards (Ак илбирсти сактагыла) петициясына кол коюуга чакырды. Өзүнүн постун актер Twitter баракчасына жарыялаган.
Sign @world_wildlife’s petition calling for greater action to #SaveSnowLeopards https://t.co/a5eFmYP07P
— Leonardo DiCaprio (@LeoDiCaprio) 9 августа 2017 г.
Форум Бишкекте 23-25-август күндөрү өтөт. Борбор калаага ак илбирс байырлаган 12 мамлекеттин башчылары келет. Иш-чара бир ката өлкөлөрдүн ак илбирсти коргоого багытталган аракеттерин чыңдоону көздөйт.
"Август айында Кыргызстанда ак илбирстер жашаган 12 өлкөнүн башчылары чогулат. Баарыңарды аталган жаныбарларды коргоого багытталган чечимдерди кабыл алууга чакырам", — деп айтылат Жапайы жаратылыш дүйнөлүк фондусунун сайтында жарылянган Ди Каприонун кайрылуусунда. https://support.worldwildlife.org/site/Advocacy?cmd=display&page=UserAction&id=949&utm_source=social&utm_medium=clb&utm_campaign=species
БУУнун климат боюнча элчиси ак илбирс байырлаган аймактын калкына колдоону чыңдоого, контрабандалык аракеттерге бөгөт коюуга чакырат.
