Түштүк Африканын Лимпопо дарыясында энеси менен сууга түшүп жаткан ачык кызыл түстөгү пилдин баласы табылды.
Көрсө ал альбинос болуп туулган экен. Мындай түстөгү пилдер өтө сейрек кездешет
Тилекке каршы, альбинос-пилдердин бул өзгөчөлүгү ден соолугуна терс таасирин тийгизээри белгилүү. Өзгөчө күндүн ысыгы териси менен көзүн жабыркатат.
Бирок, видеодо көрүнүп тургандай кичинекей пил азырынча бул көйгөйлөргө кабыла элек.
Африка пили — дүйнөдөгү эң ири жаныбар. Узундугу жети метрге чейин жетип, салмагы жети тоннанын тегерегинде болот.
Бүгүнкү күндө ал дагы браконьерчиликтин айынан саны азайып бараткан жаныбарлардын катарын толуктап келүүдө.
