Модель Жибек Нукеева дүйнө салды

© Фото / предоставлено Мединой НукеевойОбладательница титула "Мисс Кыргызстана-2013" Жибек Нукеева
Обладательница титула Мисс Кыргызстана-2013 Жибек Нукеева - Sputnik Кыргызстан
Жазылуу
Жибек Нукеева былтыркы жылдын акыркы айларынан бери рак илдети менен күрөшүп келген

БИШКЕК, 16-июл. — Sputnik. "Кыргызстан чүрөгү — 2013" наамынын ээси Жибек Нукеева узак убакка созулган оорудан улам көз жумгандыгын коомдук ишмер Ассоль Молдокматова өзүнүн Facebook баракчасына жарыялады.

"Тынч жат, Жибек! Бүгүн Жибек Нукеева дүйнө салды. Экөөбүз таанышкан күндөн тарта мен анын жумшак мүнөзүн жана жаркындыгын баалачумун. Бул биз үчүн орду толгус жоготуу", — деп жазды Молдокматова.

70-летие победы Великой Отечественной Войны - Sputnik Кыргызстан
Карылар үйүндө күн көргөн актер Калыйбек Назаралиев каза болду
Эске салсак, Жибек Нукееванын оорусу тууралуу суук кабар өткөн жылдын аягында социалдык тармактарда тараган. Жибек өзү Facebook баракчасы аркылуу элден жардам сурап кайрылган.

Жибек шоу-бизнес өкүлдөрү, ишкерлер жана карапайым кыргызстандыктар тарабынан кайрымдуулук жолу менен чогулган каражатка Италия, Израиль жана Түркиянын клиникаларына барып дарыланып келген.

Өткөн айдын аягында Sputnik Кыргызстан агенттигине эжеси Медина Нукеева  Жибек өз өмүрү үчүн күрөшүп, шишикке каршы күчтүү дарыларды ичип, химия терапиядан өтүп жатканын билдирген.

Sputnik Кыргызстан агенттигинин жамааты Жибектин үй-бүлөсүнө жана жакындарына терең кайгыруу менен көңүл айтат. 

Жаңылыктар түрмөгү
0