Карылар үйүндө күн көргөн актер Калыйбек Назаралиев каза болду

© Sputnik / Табылды Кадырбеков70-летие победы Великой Отечественной Войны
70-летие победы Великой Отечественной Войны - Sputnik Кыргызстан
Жазылуу
66 жаштагы актер бир жылдан бери инсульт болуп, баса албай ооруп жүргөн

БИШКЕК, 11-июл. — Sputnik. 10-июлда Кыргыз ССРнин эмгек сиңирген артисти Калыйбек Назаралиев каза болду. Ал үч жылдан бери Ысык-Ата районундагы Төмөнкү Серафимовка карылар үйүндө жашачу. Бул тууралуу Sputnik Кыргызстан маалымат агенттигине аталган карылар үйүнүн директору Бакыт Жунушев билдирди. 

Анын айтымында, актер тирүү кезинде балдары, жубайы менен катышчу эмес. 

"Биздин карылар үйүнө келгенге чейин актерлордун атайын жатаканасында жашачу экен. Жакшы, интеллегент киши эле. Бир жылдан бери инсульт дартына чалдыгып, баса албай калган. Мындан бир жума мурун уулуна телефон чалып, "атаңды кара, абалы күндөн-күнгө оорлоп бара жатат" деп айткам. Кечээ уулу келип, сөөгүн Таласка алып кетти. Көзү тирүүсүндө кичүү уулу, кесиптештери келип турчу, — деди ал. 

Карылар үйүнүн тургуну - Sputnik Кыргызстан
Энемди көмгөнгө убактым жок! "Дөөлөттүү" карылыктын 3 түрү
Калыйбек Назаралиев Талас облусунун Кара-Буура районунун Кара-Суу айылында 1951-жылы туулган. Москвада өткөн декадада коюлган спектаклде ойногон ролу үчүн Кыргыз ССРнин эмгек сиңирген артисти наамын алган. Нарын театрында 10 жылдан ашык эмгектенген. 

Калыйбек Назаралиев "Достор", "Президент жана бомж" тасмаларына тартылып, селсаяктын ролун ойногон.

Жаңылыктар түрмөгү
0