БИШКЕК, 12-июл. — Sputnik. Өзгөн районунда жер көчкүнүн айынан бузулган жолду оңдоого 30 миллион сом бөлүндү. Бул тууралуу Транспорт жана жолдор министрлиги билдирди.
Маалыматка ылайык, Ош облусунун Жалпак-Таш айылында бузулган жол оңдоло баштады. Жолчулар анда сегиз айыл аркылуу өтө турган жолду толугу менен жасап чыгышат. Министрлик ал үчүн 30 миллион сом каражат бөлдү.
Эске сала кетсек, жазында Өзгөндө болгон жер көчкү Куршаб — Жалпак-Таш жолунун 18-чакырымынан 22-чакырымына чейинки аралыкты басып калган.
Аталган жолдун курулуш иштерин октябрь айында соңуна чыгаруу пландалууда.
