БИШКЕК, 16 июн — Sputnik. Бүгүн Германиянын экс канцлери Гельмут Коль дүйнө салгандыгы тууралуу Bild басылмасы жазып чыкты.
87 жашында жашоо менен кош айтышкан саясатчынын өлүмүнө эмне себеп болгону азырынча айтыла элек.
Немец ЖМКларында жазылгандай, саясатчы ден-соолугуна байланыштуу акыркы жылдары эл арасына өтө сейрек чыгып, журналисттер менен дээрлик сүйлөшпөй калган.
Ал Германияны биримдикке алып келип, тарыхта "биримдиктин канцлери" катары аты калды.
Саясатчы немис өкмөтүн 1982 —1998-жылдары башкарган. Гельмут Коль Германия менен Россиянын мамилелерин жакшыртууда чоң роль ойногон.
