БИШКЕК, 10-июн. — Sputnik. КСДП фракциясынан парламент депутаты Айнуру Алтыбаева жыл сайын 14-февралда бейрасмий майрамдалып жүргөн сүйүү күнүн башка майрамга алмаштырууну сунуштады.
Депутат ал майрамга альтернатива катары жароокерлик жана мээримдүүлүк күнүн белгилөөнү туура көрөт.
Бул тууралуу токтомдун долбоору коомдук талкууга коюлду.
Негиздемеде көрсөтүлгөндөй, долбоордун негизги максаты — кыргыз элинин кылымдардан бери келе жаткан маданий баалуулуктарын өзүнө сиңирген инсандарды өстүрүү.
Маалыматка караганда, эгер парламенттин бул токтому кабыл алынып калса, майрам расмий майрамдалат, бирок дем алыш күн болбойт.
