Алеев: Кызыл ай коомуна каалаган адамдар ыктыярчы боло алат
Кызыл ай коомуна каалаган адамдар ыктыярчы боло алат. Бул тууралуу Улуттук Кызыл ай коомунун башкы директору Рустам Алеев Sputnik Кыргызстан радиосуна маек куруп жатып билдирди.
Анын айтымында ыктыярчылардын жашы чектелбейт.
"Каалаган адамдар бизге ыктыярчы боло алат. Атайын убакыт деле чектелген эмес. Бош убактысында иш-чараларга катышып, жүктөлгөн милдетин аткара берет. Кааласа бир жыл, кааласа 10 жыл иштесе болот. Ал ыктыярчынын өз эрки", — деди Алеев.
Ал ыктыярчылар өзүнө жаккан багытты тандап алып, ошол менен иштей тургандыгын кошумчалады.
