БИШКЕК, 29-май — Sputnik. Москвада болгон катуу шамалдын кесепетинен жети киши каза тапты. Бул туурасында РИА Новости Борбордук медицина кызматтарынын өкүлүнө таянып кабарлады.
Ал эми шаар мэри Сергей Собяниндин айтымында, 40тан ашуун киши жабыр тарткан. Бир топ дарактар тамыры менен кошо омкорулуп, имараттардын чатыры кулаган.
Москванын ыкчам кызматтарынын маалыматында, кулаган дарактар адам өмүрүнө зыян келтирген. Андан сырткары шамал учурган темир чатыр тийип көз жумгандар болгон.
Табияттын бул кубулушу коомдук каттамдардын, анын ичинен аэроэкспресстердин ишине таасир берип, алардын каттоо аралыгы создуктурулган.
Маалыматтарда кулаган теректер премьер-министр Дмитрий Медведевдин Москвадагы резинденциясынан чыга берген аймакты тосуп калгандыгы да кабарланды.
