БИШКЕК, 27-май — Sputnik. Кыргызстандын футбол боюнча курамасынын өспүрүм оюнчулары кытай атаандаштарынан жеңилип калды. Бул тууралуу Футбол федерациясынынан билдиришти.
Маалыматка ылайык, Кытай менен Кыргызстандын 16 жашка чейинки футболчулары кездешип, беттештин соңунда 3:0 эсеби менен ата мекендик команда жеңилүү ызасын тарткан.
Учурда Кытайдын Цзянинь шаарында футбол боюнча Snow Leopard Household Chemical Cup CFA International Youth Football Tournament Jiangyin — 2017 эл аралык турнири өтүп жатат.
Белгилей кетсек, Кыргызстандын курамасы 24-май күнү да Түндүк Корея менен беттешип, 10:0 эсебинде утулган болчу.
